Kouma zot tou kone nou tem sa lane la li ‘clean and healthy planet’. Enn planet pli prop ek an bonn sante. Dan nou bann diferan tematik okour lane nou’nn aplik nou tem prisipal.
Nou’nn montre bann zanfan ek mem bann paran ki kapav fer pou protez nou planet. Ki bann zafer ki nou kapav aret servi pou bienet nou lanvironman. Sak plastik, bann prodit simik si nou aret servi li pou bon pou nou mem ek osi pou bann prosenn zenerasion.

Gardri les Mirabelles Flacq inn met anplas enn proze boutey plastik. Nou’nn mont enn zoli bwat akot nou’nn demann bann paran pou amenn zot bann boutey plastik seki zot pa servi. Nou’nn osi sansibiliz bann paran lor resiklaz, kot bann paran inn amenn bann kann ek bann mis inn mont bann zoli vaz-a-fler.

Si nou le res dan enn planet prop, nou bizin koumans travay la avek nou mem avan.