Enn ti demi zourne esanz lamitie ant nursri kids r kids, Beau Bassin e Les Mirabelles, Flacq
Kouma toulelane, nou fer nou devwar al fer enn ti vizit enn lot gardri Terre de Paix pou kre bann lien e fer bann nouvo kamarad.
Sa lane la, nou finn al Les Mirabelles, Flacq kot nou finn gagn enn zoli lakey. Bann zanfan finn bien kontan, finn dekouver bann nouvo visaz, nouvo lespas, nouvo zouzou.
Bann zanfan finn bien profit sa moman la, kot nou finn zwe, fer bann aktivite an komin e partaz enn bon dezene ansam.
Anplisa, nou finn fer bann zoli esanz kado dan matier resiklab, braslet e boutey, fler ek papie.
Mersi a tou ki finn kontribie pou fer sa demi zourne la enn sikse memorab.