Bann zanfan Mirabelles Flacq inn bien kontan kan zot ti al zardin, parski zot ti fer bann ti aktivite dan lanatir ver ek so bann feyaz tou kouler.Zot ti fer lamars, galope, sote, grinpe kot zot inn develop zot motrisite dan enn manier global.

Bann zanfan osi inn fer kolaz avek fey, kot zot inn observ kouma pe kas fey e pe fer kolaz avek fey-la. Zot inn develop zot sans viziel e taktil anmemtan.

Bann zanfan inn dekouver fler, sanpiyon sovaz, kourpa, later, fey, dibwa sek, gazon, bann gran pie kot pou zot li bien-bien gran zot inn bien develop zot sans kognitif. Ti vreman enn plezir get tousala e akonpagn bann zanfan dan sa lavantir-la.