Alime teyn, Alime Teyn zoli ti lalimier………. Ti met zoli lalimier dan gardri kids r kids e lezot CED pou selebrasion fet Divali avek nou bann zanfan.

Lazourne ti bien komanse, tou bann zanfan inn ariv dan gardri avek zot linz tradisionel pou selebre sa fet la ansam ek zot bann kamarad ek bann staf.

Zot bann paran kan pe vinn kit zot pe fer partaz bann bon bon ti gato pou bann zanfan manze taler. Apre tou fet divali se osi enn fet akot pa zis zoli lalimier me osi partaz bann ti gato.

Nou ti fet inn bien pase, bann zanfan inn bien kontan. Nou finn met bann zoli ti lamizik dan tem ek bann zanfan inn danse.
Meni spesial ti prepare par Marlene sa zour la, briani legim e salad karot.
E tanto kan bann zanfan finn ale, sakenn finn gagn zot ti sak gato pou amenn zot lakaz pou partaz ek zot bann paran, frer ek ser.
Ala impe foto pou trouv lambians ki ti ena dan kids r kids e ced albion