Apre kovid nou finn gagn lasans selebre nou fet nwel Mardi le 13 Desam 2022 ansam avek bann paran ek zanfan, kot ti ena enn zoli lanbians.

Nou finn fer bann kwin kouma face painting, latelie brikolaz kot nou finn servi bann prodwi resiklaz pou realiz bann deko nwel, ki bann paran inn fer ansam ek bann zanfan e zot gagn li enn souvenir pou amenn lakaz.

Bann paran ti bien interese ek sa latelie, sirtou fer li ansam ek zot bann zanfan.

Bann zanfan inn bien kontan. Nou finn sant bann sante nwel ki nou ti deza fini prepare, kot bann paran osi inn partisipe.

An-dernie, nou Mama Nwel inn vinn distribie kado pou bann zanfan. Ti vreman enn zoli moman.

Vanessa
Lekip Mirabelles, Tamarin