Nou inn fer nou dernie formasion lor enn tematik ki ti bien interesan kot bann benefisier ti ena bokou partaz pou fer Nou’nn koumans par fer enn prezantasion lor tematik-la kot nou’nn explik bann benefisier bann metod pou fer konservasion ek kouma steriliz bann po ki pou servi pou konservasion. Bann benefisier inn osi aprann metod blansiman legim ki nou fer avan nou konserv bann legim. Apre nou inn koz lor diferans fason konserv bann fri, legim ek finn-zerb osi. Nou’nn koz lor konservasion avek disik, delwil ek vineg. Apre sa nou inn koz lor bann lavantaz ek dezavantaz ki ena pou konservasion fri ek legim dan po an-ver.

Bann benefisier inn bien partisipe malgre ki bokou pa ti prezan. Bann madam inn trouv sa explikasion bien interesan ek zot dir ki sa pou ed zot gagn plis letan kan bizin degaze kwi manze kan sorti travay. Ti ena enn bon moman partaz kot staff ek benefisier inn apran bokou nouvo zafer.

                                                                                                                                    Selvina
                                                                                                               Les Mirabelles Grand Baie