Le 5 Zilyet ti ena enn ti sesion formasion lor enn proze, ki apel ‘Upcycled Life Bottle’, avek bann staf depi striktir rezidansiel. Spesifisite sa formasion la seki sa finn permet bann staf aprann kouma pou plant dan boutey plastik olie zot zet li dan poubel .Li osi enn mwayin pou permet dimounn plante dan enn ti lespas si zot pena enn ti bout later ou lespas pou plante dan zot lakour. Sizo,boutey, lakord,koulou an-min, sak staf inn prepar so prop ‘Upcycled bottle’ avek boukou serye e fierte alafin .Ti ena boukou partaz e ti enn zoli lexperyans.