Bann zanfan dan NurseriBann CEDlv bien kontan kan rakont zot zistwar ek kan pe ilistre zistwar la zot boku plis kontan ankor. Akoz samem Ki 3 Carers, Suzelle, Corina ek Isabelle ti’nn amenn bann zanfan dan anfiteat ek finn rakont zistwar saperon rouz ek lelou. Bann zanfan ti bien atantif a bann maryonet ek osi ek bann diferan lavwa ki zot ti pe tande. Zot ti pe gagn per osi kan zot ti pe tann lelou koze . . . Lerla kan gramer ti dimande – “kifer to lizie gro koumsa”, bann zanfan ti pe diboute, pe anvi kone ki pou arrive. Ek ler lelou inn manz gramer ti ena enn gran silans me ler bisron inn ouver vant lelou ek gramer inn revini lerla tou zanfan ti riye ek bien kontan. Enn zoli ti zistwar sa.