Dan maternel La valette, an lien avek nou tem fri e legim Mis Ketsia inn met anplas enn aktivite avek bann zanfan maternel kot inn inklir paran pou aport enn led pou remet azour nou potaze.
Nou finn gegn enn mama (Madam Jessica) ki limem ti gegnan 3em pri konkour potaze lane dernier e enn lot mama ki’nn vinn avek tou zot leker pou redonn nou potaze enn freser.
Zot inn travay later, tir bann ros, met konpos e met an-ter plizir diferan plant ki Madam Jessica inn amene depi kot li (pwaro, selri, betrav, ditin, persi, frez,lisou e may). Mis finn fer bann zanfan rekonet sa bann plant la, aroze e pou invit zot swiv zot developman ziska rekolt.