Larantre ti le 15.07.2021, kot nou finn komans akeir bann zanfan an de parti dan gardri Mirabelles, Tamarin.
Kan nou finn rantre, biensir finn komans par bann zes baryer e osi pran tanperatir paran ek zanfan.
Pou de premie zour, nou finn akeir bann zanfan pou demi zourne pou zot fer zot adaptasion.
Ti enn gran lazwa pou nou, pou anfin tann bann ti lavwa ek mouvman dan nou gardri. E osi kan bann paran vinn kit zot zanfan avek enn gran sourir lor zot visaz. Sa montre ki zot fer nou konfians pou kit zot zanfan ek nou.
Kouma tou zanfan, ena bann ti difikilte pou premie zour pou adapte, me sa finn pas avek kalm, e bann mis inn donn tou lamour e kouraz pou kontenir bann zanfan la.
Enn zoli parkour pe komanse pou nou dan landrwa Tamarin, e osi bann lien pe komans tise ant bann mis ek bann zanfan e osi bann paran.
Kouma nou kwizinier dir, sa zoli lavantir la kontinie ansam.

Wellanie