Sorti Pedagozik zardin Belle Rive

Sant devey Flacq ti organiz enn sorti le 11 septam pou bann zanfan. Nou ti al zardin Belle Rive ki dan Kewal Nagar.
kouma touletan, tou staf ti’nn fini vini boner e inn met lamin dan lapat. Inn fer dezene e deser pou bann zanfan.


Tou bann zafer ti’nn pre dan ler, bann zanfan e transport tou ti fini arive. Malerezman sa zour la letan pa ti tro bon. Dan bis bann zanfan inn bien sante e tap lamin.
Apre ki nou’nn ariv zardin nou’nn les zanfan galop inpe dan open. Zanfan inn bien kontan pou galop partou. Ti enn plizir zwe dan zardin. Sakenn son tour nou’nn fer tou bann zwe kouma laglisad, karousel ek balanswar.


Apre dezene ansam avek bann zanfan nou’nn al fer enn vizit zardin, akot ti ena enn stati Sir Seewosagar Ramgoolam. Kan bann zanfan inn trouv sa zot inn etone. Ena enn tipti ki’nn mem demann nou kisanla sa mis.
Nou’nn pas enn bon moman dan zardin. Finalment nunn gagn enn letan ase bon pou profit zardin.

 

Leave a Reply

Your email address will not be published. Required fields are marked *

CAPTCHA
Reload the CAPTCHA codeSpeak the CAPTCHA code