Dan Nurseri Sant devey nou finn fer bann zanfan dekouver ki ete sa zafer liv nimerik la.
Ti ena enn preparasion avan. Inn fer zanfan kone ki pe al fer, explik zot ki zot pou trouve ek osi ki zot pou tande.
Apre finn al prepar klas, ek instal laparey dan lasal lamisik dan nou maternel.
Zistwar ti lor liv “Le petit chaperon rouge’, ki finn tradwir an kreol
Ti ena boku lemosion depi bann zanfan. Ti ena lazwa kan zanfan pe trouv bann zimaz ek pe tann bann son. Ena zanfan ti pe riye ek ena zanfan ki ti pe imit bann son.
Ti ena osi lemosion laper ek osi bann moman silans.
Kan fini, bann zanfan inn aplodi ek zot inn komans rakonte ek poz kestion. Ena zanfan dir” ‘ mwa mo lelou ek mo fer tok tok tok’. Bref bann zanfan ti bien zwaye.
Se enn aktivite ki bizin fer souvan.

Mis Marie Rose.
Carer
Sant devey La Valette