Mirabelles Flacq Lasas dizef

Mardi le 15 avril ti’nn ena enn lasas dizef dan gardri alokasion Pak.
Kouma nou ti deza fini prepar bann dizef avek papie mase nou’nn servi samem. Avan koumanse nou’nn montre bann zanfan e explik zot ki nou pou fer. Ti ena osi bann desin poul. Nou’nn kasiet dizef partou dan zardin e inn demann bann zanfan al rode e amene pou met kot bann poul.
Inn fer enn premie ese avek bann zanfan enn tipe pli gran e apre avek bann seki pli tipti. Bann zanfan inn bien exsite kan zot inn koumans rod bann dizef, zot ti pe kalop partou, rant dan basin boul, rant dan labirint. Bann zanfan ti dan enn kontantman, saken ti pe kriye zot kamarad kan zot ti pe trouv dizef. Kouma zot gagn enn zot galope vinn met li kot poul.
Ti ena enn sirpriz pou bann zanfan ler fini. Kan zot inn fini amenn tou bann dizef, parmi ti ena bann vre sokola ki mis mireline ti’nn ofer e kasiet. Bann zanfan inn gagn pou gout enn ti bout sokola.
Ti’nn pas enn bon moman