Les Mirabelles, Lekol Maternel Grand Bay, inn fer enn aktivite lor kouma nou kapav servi boutey pou evit fer polision.  Pou sa, bann mis ti gagn lokazion swiv enn formasion lor Upcycle Bottle. Bann mis inn fer bann zanfan e osi bann paran partisip ladan. Bann zanfan inn pas mesaz bann paran lakaz ki bizin amenn enn boutey vid ek osi plant pou plante.

Pou sa proze la inn gagn bann zoli responns kot bann paran inn bien apresie linsiativ ki zot zanfan pe kapav kominik ek zot ek motiv zot osi. Bann zanfan inn fer lapintir, dekoupaz boutey ek lerla zot inn plant bann plant ki zot inn amene ladan. Bann zanfan inn santi zot bien fier parski zot inn resi kre enn nouvo zafer par zot prop zefor e linisiativ. Apre sa, zot pe kontigne aroz zot plant ek pe trouv zoli rezilta.