Gardri Mirabelles Grand Baie inn fer so premie “port-ouvert”pou sa lane-la. Se enn lespas ki nou donn paran pou partisip dan aktivite zot zanfan. Se osi enn platform proximite. Pou sa, nou invit paran vinn rezwenn nou dan gardri dan ler aktivite. Avek paran, zanfan e Mis nou fer enn aktivite e apre nou donn paran lokazion get bann travay ki nou fer ek bann zanfan. Nou finn gagn bann zoli komanter e ankourazman. Enn paran inn dir ki zame li ti pou krwar ki so zanfan kapav asize pou fer enn aktivite. Nou’nn ankouraz bann paran pou fer bann ti travay avek zanfan lakaz. Osi bann paran inn partaz avek nou zot bann difikilte dan lavi e bann veki dan zot lakaz. Paran inn bien apresie sa moman lekout kinn nou finn donn zot-la.

Mirabelles Grand Baie (nur).