Sa fer enn mwa deza ki nou pe prepar fet-findane.
Isi dan Gadri Mirabelles nou servi bann materyel resikle kouma nou
zouti travay. Alor pou fet-la, laplipar nou bann dekor li lor bwat karton,
roulo tisiou ek bann magazinn.

Sa zour-la nou pou ena osi bann sante, danse, sketch ek bann
ti aktivite ki’nn bien stimil bann zanfan zot sans devlopman.
Bann aktivite ki nou bann mis inn prepare avek bann zanfan inn
amenn bokou lazwa, lakontantman ek lexitasion dan zot.