Program Primer – CED La Valette

Koma toule Merkredi apre midi dan CED La Valette, nou ena nou program primer pou bann zanfan first ek segonn. Bann la bien kontan sak semenn pou revinn dan zot lekol maternel pou pas enn bon ti moman ek fer bann diferan aktivite. 

Merkredi le 24 fevrier, ti fer enn ti program pou zot. Paw, enn stazier depi Danmark, ansam avek Ornella ti’nn prepar enn ti konpetision bien orizinal pou bann zanfan la. Premie eprev, ti fer zot vinn anper ek lerla fer zot tini kann coca avek spaghetti, lerla marse ek kit kann la lor enn lot latab. Kan zot pe fer sa, zanfan la devlop zot kapasite travay an ekip, zot lekilib, ek pasians. Apre ti fer zot triye smarties avek enn papyp. Ti fer zot met 2 de sak kouler dan enn pla. La osi nou finn kapav trouve kouma zot ena kapasite fer distinksion ant bann kouler, ek zot kapasite swiv linstriksion. Bann zanfan inn bien kontan, zot inn bien partisipe ek inn kontan pou gegn kom rekonpans bann smarties la. 

Presentation1

Ornella Gracieuse
Social educator/integrator
CED La Valette

 

1 thought on “Program Primer – CED La Valette

Leave a Reply

Your email address will not be published. Required fields are marked *

CAPTCHA
Reload the CAPTCHA codeSpeak the CAPTCHA code