Rankont Paran Model – CED ALBION

Enn zoli Merkredi ansoleye, dan CED, Albion. Tou bien trankil akoz pena lekol. Ver 10er, 2 paran komans vini, enn paran ladan li akonpanie avek so de garson, akoz pena personn pou get zot lakaz. Toulede garson dan nou lekol maternel.

Ver 10.25, 6 paran inn fini vini, inn pran plas dan nou gran lasal maternel pou enn ti sesion travay.

foto 2
Dan dernie renion paran model, bann paran ti demann pou fer enn ti livre bann sante ki fer dan lekol. Alor nou finn pans pou fer zot donn zot lide, kouma zot anvi liv la ete. Nou finn pans pou donn zot bann materyel e les zot mem gete kouma zot anvi fer livre la. Biensir fer bann ti group work.
Presentation1

Nou lasal inn komans gagn enn ti lazwa, bann paran inn asiz otour enn latab e inn komans met zot lide ansam pou fer zot livre e bann zanfan enn lot kote pe zwe lego.

Avan komanse, bann paran ti pe strese, pe dir « ayo miss ki pou fer la », me kan zot inn komanse, pa’nn finn kapav aret zot. Nou finn depas ler tou, zot ankor pe dekor zot livre.

Presentation 2
Dan program, ti ena sante e Mr Elvis inn vini pou fer bann paran sante, me zot ti pe tro interese ek zot ti livre, lerla nou finn fer aktivite sante la pandan ki zot pe termine. Zot inn dir prosenn fwa zot pou anvi fer ankor sante. Bann zanfan inn bien kontan, inn sant ansam ek zot bann paran.

tdp 16
Nou finn terminn avek enn zoli rezilta pou sa bann ti livre la. Ti enn extra zoli lexperyans, nou finn trouve ki bann paran bien kreatif.

Presentation4

 

 

 

Leave a Reply

Your email address will not be published. Required fields are marked *

CAPTCHA
Reload the CAPTCHA codeSpeak the CAPTCHA code