Vandredi 09/09/2016 – kouma nou ti pe travay lor tem frwi, bann Carers ansam ek bann zanfan ti desid pou fer enn salad frwi. Bann paran ti amenn frwi pou sa aktivite la.
Bann carers inn fer bann zanfan sant : “J’aime les fruits” ek ti osi fer bann zanfan rekonet bann frwi lor bann mobil ek osi rekonet bann form ek kouler.
Osi bann zanfan ti al rod frez dan nou lakour.
Inn fer tou zanfan al lav lame avan ki komans aktivite la.
Bann carers finn koup bann frwi divan bann zanfan ek inn fer zanfan santi bann frwi pou develop zot lodora.
Inn fer zanfan azout disel, disik ek delo ek inn fer zot tourn tourn salad – anmem tan develop zot motrisite.
Aster kan inn fer zanfan goute huummm!!! zanfan tap lalang dir bien bon ek zot rod ankor.
Corrina / Isabelle /Stephanie
Carers CED la Valette