Mardi 10 ek merkredi 11 ziliet ti amenn bann zanfan dan zardin zanfan super U kot zot kapav pran ler ek biensir zwe. Sa zour la nou ti gagn botan ek enn zoli soley sa inn permet nou profit bien. Akoz sak trimes nou met sa ti aktivite sorti la pou bann zanfan, zot ti fini konn deroulman la. Zot desann bien an-lign ek anlord me touzour avek boukou inpasians.
Dan zardin, nou ti koumans par fer laglisad apre nou finn fer zwe lekilib. Bann zanfan ki inpe pli gran, zot inn mem grinp lor lakord. Apre enn ti moman nou finn les bann zanfan zwe lib. Sertin ti’nn al kasiet anba laglisad , lezot inn asize lor ban ek inpe, bann seki ti ankor ena full lenerzi, zot inn kontinie galoupe. Bann zanfan inn bien kontan sa ti sorti la.