Konpani Sanne Mauritius Ltd inn ofer lokazion a bann zanfan ki dan nou program primer dan Sant Devey La Valette pou al vizit lotel Sugar beach, Flic en Flacq, Vandredi le 3 Out, 2018.

Lor 26 zanfan, 21 zanfan ti prezan sa zour la ek zot finn resevwar enn bien zoli lakey ek bann staff Sanne Mauritius osi bien ki ek bann staff lotel.
Ti ena aktivite face painting ek bann lezot aktivite. Bann zanfan inn pas enn zoli moman dan kids club ek sirtou dan so pisinn.

Bann zanfan inn bien manze, laglas ek deser tousala.
Pa fini ! ! ! Apre zot finn gagn kado ek Staff Sugar beach ek bokou gato ek staff Sanne Mauritius.
Mersi a sa 2 lekip ki’nn permet bann zanfan viv enn tre bon lazourne. Inoubliyabe . . .

Ornella/Christiane/Rosinette
Staff CED La Valette