Bann zanfan extra kontan pou al Jardin D’Eveil, kifer hein?… parski ena mari boukou lespas pou zot zwe.Ena bann zwe tradisionel akot zot kapav zwe ek zot bann kamarad ansam ek zot bann miss osi.
Ti ena enn ti marmit enn ti poul nwar ti dans ladan, aurelie aurelie aurelie konn pik sega, 1, 2, 3 roule matant 4,5, 6 matematik 7, 8, 9 dan mo panie nef nef nef…Met lame lao, met lame dan lerin Amerikin kass so lerin, amerikin kass so lerin
Miss, montre mwa kouma mars dan soulie talon 🙂
Hehehe, mo konn zwe lamarel.
Bann zanfan finn pass enn bien bon moman dan Jardin D’Eveil ansam ek zot bann karamad.
Mersi Miss Queency ki Socio Pedagogical Guide dan Jardin D’Eveil
Mo byin fier ki mo fer enn travay kumsa ek extra kontan ki pou akier bann zanfan dan Jardin D’éveil.
Nou bien kontan, nou trouv nou bann zanfan maternel pe fer bann aktivite dan Jardin D’eveil atraver blog, parski nou pa laba ansam ek zot. Nou osi, nou bann zanfan dan Nursri kontan al dan Jardin D’Eveil akoz sa lespas la. zot zwe prefere se al dan labirint e fer lapintir avek Miss Queency.
Nou bien fier nou pe trouv nou bann zanfan pe epanoui coumsa