Zardin devey sorti pedagozik
Apre nou fet findane nou bann zanfan inn fer zot dernie sorti le 19 desam pou nou al zardin devey. Bann zanfan ti bien antousias pou vwayaz dan van. Zot inn bien kontan Sydney osi. Bann zanfan seki pa kontan bann etranze, zot ti pe bien koz avek Sydney. Pandan nou trazet sertin bann zanfan ti pe dir tou seki zot ti pe trouve kouma kamion, loto, bis, larivier.
Kan nou’nn arive zardin, Queency inn akeir nou avek enn gran sourir. Bann zanfan ti’nn plis interes ave zedo ki ti pe aroz partou. Bann zanfan inn fer vizit, zot ti pe galope, zwe avek zot bann kamarad, sante, sonn ravann ek zot ti bien interese avek zwe larou bisiklet.

Bann zanfan inn bien kontan sa sanzman la. Zot inn bien exprim zot atraver bann diferan zwe. Zot inn dormi anba e get lesiel lao e dir zot inn trouv zwazo, avion.
Bann zanfan finn pas enn zoli lazourne.