Vandredi le 21 Oktob, 11 zanfan Atelier Du Savoir (ADS) ti fer enn visit edikatif Station Meteo Vacoas.
Pandan 45 minit zanfan finn vizit Station Meteo avek enn staff kouma gid. Avek sa vizit–la, zanfan finn aprann ki manier mizir kantite lapli ki finn tombe dan enn rezion. Zanfan finn ousi aprann ki manier mizir limidite dan latmosfer e ousi fason ki kalkil direksion divan.
Apre vizit explikatif depi lexteryer, zanfan finn al a-linterye pou enn lot seri dekouvert pasionan. Dan enn explikasion kourt e presi, staff Station Meteo finn explik zanfan diferan linstriman ansien e modern ki servi pou kapav explik nou kondision Meteo.
Vizit finn termine 11hrs 20, zanfan prezan finn bien kontan. Nou finn retourn ADS midi pil pou dezene. Zanfan ti akonpagne par animater ADS Georges Legallant e Stazier Malene depi Denmark.
Georges Legallant
Le 21 Oktob 2016
Pou ADS