Nou ti fer sorti pedagozik Mercredi 9 Septam 2015 dan Zardin D’evey. Bann zanfan inn bien konn zardin so bann ti lespas. Graccia inn mem oule fer prezantasion zardin ansam ek Queency ek nou finn bien apresie. Li ti bien alez ek bann zanfan inn sant pou Queency ek so bann staff. Zot inn bien partisip dan bann aktivite ki ti’nn plann pou fer, koma servolan, golf ek inn apran enn nouvo zwe Lame lao.

Nou ti amenn enn ti set golf an plastic ek zanfan inn pran plezir pou zwe. Enn ofisier ki ti akompagn nou inn montre koma fer bag ek fler frangipane. Queency inn kontan li’nn aprann enn zafer anplis ek li pou met sa en pratik kan li gagn bann viziter.

Apre vizit ek bann aktivite dan zardin nou ti fer lamars pou ale laplaz. Nou ti pas lor pont ki relie akot laplaz Club Med ek bann zanfan ti kontan ek ti fer bokou observsion ki zot ti trouve toutotour. Inn dezene ek apre nou finn fer bann aktivite lor laplaz. Bann zanfan ti respekte tou bann konsign ek ti ena bon konportman.

Josette.