Dan Les Mirabelles Tamarin nou finn organiz nou premie sorti pisinn pou premie trimes, Club Med Albion.

Bann zanfan inn bien kontan pou profit sa zoli letan-la ek soley. Zot ti bien zwaye e zot inn adapte ek lenvironman. Zot inn zwe dan kid’s club kot zot inn dekouver nouvo zwe ki devlop zot kiryozite ek stimil zot kreativite.

Apre sa ti moman explorasion-la bann zanfan ti pe inpatian pou rant dan delo avek led enn met nazer ek bann mis. Bann zanfan inn rant dan delo bien ekipe e zot ti emerveye. Sa sorti-la permet zot develop zot gro motrisite. Lefe ki fer bann mouvman dan delo permet zot osi dekouver bann nouvo sansasion.

Anaelle
Les Mirabelles
Cap Tamarin