Sorti potaze + Remiz pri konkour meyer potaze 2019

Vandredi 15 Novam 2019, tou bann benefisier potaze dan bann diferan younit Terre de Paix, sa vedir, Flak, Grand Bay, Albion, Lavalette, kid’s r kids e sekter rezidans ti partisip dan enn sorti pedagozik pou al vizit lantrepiz Aquaponik apre laplaz Melville. Dan lantrepriz aquaponik, finn gagn lokazion pou trouv enn nouvo sistem plantation. Zot fer lelvaz pwason e sa delo la pwason la li rise par enn lapomp ki pou anvway li la dan bann plantation e olie plant dan later, zot plant dan makadam. Delo anplis ki pe sorti dan bann bak, zot pe rekipere pou retourn dan bann basin pwason e rezerve pou arose.

Apre sa vizit bien interesan la, nou finn al dezene laplaz Melville kot nou finn prosed a remiz pri tou bann 23 benefisier ki ti partisip dan nou konkour meyer potaze 2019.
Nou 3 premie gagnan finn gagn cash price, voucher pou aste bann prodwi pou potaze, sertifika, semens e enn plant.
3 premier gagnan la, li kom swit:-
1e gagnan:-Dram Deborah CED Albion

2ziem gagnan :-Mme Toolooa Dorinne CED Flak
3ziem gagnan :- Mme Moothoor Asha CED Grand Baie.


Tou bann partisipan ki ti dan konkour finn gagn enn sertifika, semens, enn plant.
Bann partisipan finn dir zot lazwa ek lankourazman pou partisip dan sa konkour la ki donn zot osi lokazion pou fer enn aktivite an fami. Tou seki ti prezan, finn dir ki lane prosenn ankor zot pou partisipe.

Mary Jane Armand- Jolicoeur

Leave a Reply

Your email address will not be published. Required fields are marked *

CAPTCHA
Reload the CAPTCHA codeSpeak the CAPTCHA code