Avek bokou pasians ek lexitasion, bann zenn youth 1 e 2 inn resi al fer enn parti bouling Cascavelle. Ti enn moman ase emouvan pou sa bann zenn-la paski se premie fwa zot pe dekouver e pratik nouvo zafer. Ena bann ankadran ek enn stazier Danwa ki’nn oule organize e prepar sa sorti pou sa bann zenn-la. Zot tou inn resi partisipe e ti ena lespri konpetition pou ranport laviktwar. Tansion finn apeze kan zot tou finn al dezene McDonald apre zot sesion bouling ki ti bien interesan pou zot tou.