Le 27 zilyet, lekip rezidans ti fer zot sorti trimestriel Trou aux Cerfs ek laplaz Flic en Flac. Ena zanfan ki ti deza familie avek sa krater la atraver zot bann klas histoire/geo. Bann ki ti santi zot alez inn mem donn enn ti explikasion lor ki sa krater la ete. Apre tou dimoun finn profite pou fer enn lamars. Seki ti pli interesan pou bann zanfan seki ena enn kwin kot bann viziter kapav fer bann spor an plin-er,lor bann ekipman ki normalman retrouve dan bann zimnaz. Apre sa, tou dimoun inn al laplaz Flic en Flac kot laba osi bann zanfan e zot fami inn pas enn bon moman. Bann foutborler inn zwe enn zoli match alor ki bann tipti ti plis interese pou zwe dan delo sou sipervizion zot bann responsab. Se enn lazourne ki finn bien pase e vivman prosin sesion pandan vakans lete.