Enn fwa par lane, bann staf maternel e nursri Albion zwenn pou fer enn sorti ansam. Sa lane la nou finn al laplaz Flic-en-Flac ek laba nou finn fer diferan aktivite. Erezman pou nou, letan ti ansoleye ek nou finn bien profite. Ti ena osi de stazier avek nou, ek zot ousi finn bien kontan pou partisip dan bann zwe tel ki ‘musical arm’, ‘zwe imitasion’ ek sirtou zwe ‘to taste’ kot lizie ti bande ek ti bizin devine ki nou pe manze.
Apre bann laktivite ek bann fou-rir ki ti ena, nou finn dezene ansam e sa ti enn zoli motivasion pou nou demar sa nouvo lane 2020 la. Lespri dekip ti bien prezan e bann staf inn bien kontan.
Mis Sandra