Dat: Samdi 20 zilyet 2019
Samdi 20 zilyet bann zanfan atelier kreativite finn gagn lokazion pou al vizit lizinn kafe ki trouv dan Case Noyal lodge.

Bann zanfan finn emerye par sa grand lespas verdir ki ti ena labas la, bann zanimo kouma serf, koson maron, zwazo, torti.
Nou finn zwenn Mr Julien ki ti nou gid labas. Li finn explik ek montre nou tou bann prosedir kouma fer kafe, savedir depi so plant, so keyet, ziska ki li vinn dan nou tas kafe ki nou bwar. Bann zanfan finn bien kontan sa plas la ek bann lexplikasion ki finn gagne e zot finn bien poz kestion Mr Julien.
Apre vizit lizinn kafe nou bann zanfan finn gagn lokazion pou al zwe enn tigit anbas pie lafours ki trouv lot kote sime. Bann zanfan finn gagn nouvo kamarad zwe, balanse.

Jardin D’éveil: Queency