Sorti zanfan Outreach Bambous, Camp-Levieux, Albion e Barkly.

Koma sak trimes, li’nn vinn enn koutim dan Terre de Paix, pou organiz enn sorti pandan vakans skoler avek bann zanfan ki dan program Outreach. Pou sa vakans la, nou inn al vizit lekol Naval ki trouv dan Pointe aux Sables. M.Narainen, ki ti nou gid, inn bien explik bann zanfan bann mezir sekirite ki bizin ena lor bato, e ki li inportan ki tou dimounn ki anvi travay lor ninport ki bato, bizin vinn swiv formasion dan Lekol Naval. Inn koz osi par rapor a bann danze lamer, si nou pa pran prekosion. Bann zanfan inn bien atantif a seki M. Narainen inn dir. Apre vizit, nou inn al dezene laplaz Ti Verze Pointe aux Sables, ek bann zanfan inn pas enn bon moman detant. Vivman trimes prosin.

Leave a Reply

Your email address will not be published. Required fields are marked *

CAPTCHA
Reload the CAPTCHA codeSpeak the CAPTCHA code