Lor 2 semenn ,sant devey Flacq inn travay tematik kouler. Parey kouma bann lezot tematik ki nou inn travay avan, bann mobli, bann materyel ek mem bann zwe ti anlyen avek bann diferan kouler. Nou ti osi fer plizir pintir, kolaz avek kreyon kouler, penntel ek water colour. Nou ti gagn lokazion fer lektir liv ‘Toute les couleurs’ avek bann zanfan.
Pou sa tematik la, nou inn osi kre 2 nouvo materyel pedagozik pou bann zanfan : Enn ti zwe ki fer avek bann ti boul lalenn diferan kouler ek rolo tisou ki finn kole lor enn playwood. Deziem la li fer avek enn sipor an kartron, bann baton sorbe, bann port dizef ki nou finn penn ek osi bann ti boul lalenn.
Bann zanfan inn bien rekonet bann kouler. Zot inn bien kontan melanz lapintir. Kouler li ranpli nou lavi avek lazwa.