Lekol Maternel Les Mirabelles Grand Bay apre preske 2 an edmi inn resi amenn nou bann zanfan vizit zardin devey. Ti enn lemosion bien vivan pou trouv bann zanfan fer sa parkour la. Bann zanfan ti montre enn zoli partisipasion ek zot ti respekte bann konsign ki bizin swiv. Zot inn profit zardin, inn gagn lokasion get preske tou lespas dan zardin, inn zwe rod dizef dan labirint, inn pas dan tinel, inn al get zot kwin ‘to touch’ ek zot inn osi profit zot bann zwe lontan. Enn zourne bien memorab.