Bann zanfan Akonpagnman Primer, inn fer zot premie sorti ti group pisinn sa trimes-la. Sa zour-la 12 zanfan inn prezan. Ti ena enn zoli lanbians kot zanfan inn gagn profit enn bon moman ek osi anmemtan in gagn bann bon gid. Bann zanfan inn gagn enn zoli lakey Club Med ek apre inn gagn bann bon explikasion avek bann Life save Guards. Zot inn explik zanfan kifer bizin met brasle sovtaz. Bann zanfan ti bien atentif avek bann konsign. Sak zanfan inn ed zot kamarad pou met brasle sof-taz.
Bann zanfan inn gagn enn zoli lespas pou naze. Ena zanfan ti ena bann laper me avek led zot kamarad ek ankadrer ki ti ale bann zanfan inn resi kas zot laper. Bann zanfan apre inn gagn enn ti kolasion ofer par Club Med. Apre nou’nn donn bann zanfan dezene. Bann zanfan inn bien apresie zot ti zourne ek inn dir Club Med ek bann mis Mersi pou donn nou sa bann moman-la.

Mersi
Kavishta