Gardri Les Mirabelles Grand Bay inn fer enn ti zourne rekreatif le 05.10.21 dan lakour maternel Les Mirabelles Grand Bay. Bann zanfan inn pran zot ti-dezene dan lakour. Zot inn kontan pou servi sa lespas deor la. Zot inn bien eksite kan zot inn trouv bann zwe, kouma laglisad, balanswar, lakaz poupet, ek bann kwin delo ek kwin disab. Zot inn osi gagn lokazion servi lespas pou fer Aktivite Movman Fizik, avek serso ek boul.
Ti enn zourne bien diferan kot bann zanfan inn kapav explik sa zot paran. Bann paran inn dir ki zanfan inn res koz sa ti lazourne la ki’nn bien pase-la.