Zwe dan disab devlop enn zanfan so motrisite, so sansoriel ek li enn fason pou devlop so lotonomi kot li-mem li akter so aktivite. Alor, bann zanfan Mirabelles Flacq inn profit sa lokasion-la kan nou ti fer sorti lamer.
Zanfan koumans explor zot sans touse kan zot les disab koule ant zot ledwa ek parfwa zot mem gout disab-la. Zwe stimil zot motrisite finn kan zot desine lor disab avek lamin ek an-mem-tan zot devlop zot sans visiel (lizie-lame) kan zanfan ranpli ek devid seo disab avek lapel.

Zwe lor disab permet bann tou petit metenir enn lekilib Kan zot asize-la plipar letan lor disab.

Sa ed osi lor plan Sosial kot zanfan aprann partaz zot zwe Kan ena boukou zanfan.

Zwe avek disab enn bon moyen pou devlop limaginer zanfan kot zot esay contrir bann Sato
disab,zot melanz delo disab pou gagn enn bann ti form zot aranz montagn fer ti semin.