Zwe li enn sours prinsipal pou devlopman enn zanfan. Zordi, bann zanfan pas tro boukou letan lor bann zwe teknolozi.

Dan gardri Mirabelles Flacq, bann zanfan finn bien kontan pou aprann enn zwe lontan ki apel Goulgoulwa. Lontan bann zanfan lakanpagn ti’nn bien zwe goulgoulwa sirtou dan period lakoup kann. Goulgoulwa li fabrike avek lapay kann sek, enn ti baton ek enn pinn. Lapay kann li koupe dan form enn lakrwa ek lerla pinn lapay la dan baton.

Kan zanfan zwe sa, li galoupe pou ki goulgoulwa la li tourne avek divan ki tape. Zanfan gagn enn gran lakontantman kan li trouv so goulgoulwa tourne.